СВЕЖА РИБА И
МОРСКИ ПЛОДОВИ:
Во здравиот начин на исхрана, рибата е еден од основните продукти.
Таа содржи незаситени маснотии, богата е со минерални соли, белковини, витамини Б1, Б2, Б6, Б12 и ја прават да биде една од најквалитетната храна, а нејзината консумација посебно придонесува за здравјето на срцето и крвните садови. За да се зачува здравјето препорачливо е да се консумира риба барем два пати во неделата.
За сите љубители на медитеранската кујна, изобилство од свежа морска и речна риба и морски плодови, сега на чекор поблиску до вас, во рибарниците на Супер Тинекс: Цветен, Млечен, Првомајска, Кончар, Зебра, Драмски, Куманово, East Gate Mall и Деликатесен Тинекс Беко.
Пастрмка
Слатководни, речни риби
Пастрмката е здрав и хранлив продукт, кој зазема важно место во урамнотежената и правилната исхрана. Богата е со протеини, кои се потребни за нормален раст и развој. Одличен извор е на фосфор, селен и витамините Б12, Б6, содржи и витамин А и Б1, а истовремено содржи повеќе од 10% од дневно препорачаното количество железо.
Крап
Слатководна, речна риба
Крапот спаѓа во помрсните риби. Богат е со белковини, омега 3 масни киселини, витамините А, Д и Е. Го чува мускулот на срцето и ги ублажува тегобите од болестите на крвните садови и псоријазата.
Oрада
Морска риба
Орадата е една од најценетите морски риби. Има интензивен мирис и вкус и е богата со железо и јод.
Бранцин
Морска риба
Бранцинот е една од најинтелигентните риби. Содржи 3- омега 3 масни киселини, полумасна е и лесно сварлива.
Лосос
Морска риба
Лососот е навистина калоричен и хранлив и е една од најубавите и највкусните риби. Тој е одличен извор на селен, протеини, витамин Д и е одлична храна за видот и срцето.
Зубатац
Морска риба
Рибата зубатац ја нарекуваат уште и кралица на рибите. Содржи минерали и витамини и особено важните Омега 3 и Омега 6 масни киселини . Поради своето бело вкусно месо особено е барана и ценета во гастрономијата.
Октопод
Октоподот е богат со селен, кој е природен антиоксиданс, што ја чува еластичноста на ткивото, одлагајќи ја оксидацијата. Има голема концентрација на витамини и минерали.
Лигњи
Лигњите се во нутритивната група на здрави продукти, така што по значење се вбројуваат заедно со: месото, јајцата, мешункасите и јаткастите плодови. Имаат многу малку заситени масни киселини, но содржат висок процент на холестерол.
Ракчиња
Ракчињата се природен извор на јод. Богати се со витамини, особено со витаминот А. Обилуват со минерали. Лесно се подготвуват.